《 ♥️關於我心個句，大家會支持嗎？ 》
關於物流意見，雖然未必可以逐個回覆
但三媽一直有在聆聽 一直放在心上
首先非常感謝各方客人提供
好多本土速遞嘅意見同埋資訊
呢件事我哋小店上下考慮咗同商討左好耐
同樣亦親身試行左好多唔同嘅方法
先有呢一個大膽嘅諗法及一個冒險決定
相信經過呢一年好多人都有同感
「香港人真係要有選擇」
連鎖快餐可以話唔食就唔食
我哋有大把好好嘅同路人食店
咁對於一直壟斷市場嘅速遞公司呢？
喺平衡價錢、客人取貨嘅方便程度、
貨物量同服務質素方面確實有好多考量
嚟緊用開嘅速遞公司仲話越加越貴
三媽接受唔到大家一直再硬食
又⋯服務質素同價錢不成正比
有甩漏唔見單唔見件已經變成日常
我同團隊決定不怕辛苦！做多少少
寄貨方面終於有多個選擇俾大家
《三媽速遞》星期一起即將投入服務
小店自負盈虧組織車隊(其實係車仔⋯)
客人足不出戶將貨品直送到你家門口
回望7年前我哋三兄妹弟由零開始
一步一腳印由設計到製衣慢慢摸索
行到呢刻開始接觸物流運輸呢個未知嘅領域
有種返去第一日嘅感覺
自家製到自家速遞
所有所有都係由我哋團隊
一手一腳為客人服務
我諗呢種就係「初衷」
與其假手於人不如由我哋背件一戰
出咗問題都係我哋嘅責任
唔需要浪費時間聯絡第三方
由自己即時解決
喺呢個風高浪急嘅世代
要貿貿然要投入大量人力物力同資源
作出轉變並唔係容易嘅事
無論係人手定運送流程
預計當中會遇到好多未知嘅困難
但若然我哋唔踏出第一步就只會繼續原地踏步
現階段需要你哋每一位嘅支持
呢個車隊先可以開始營運
期望三媽速遞可以繼續營運落去
未來招請更加多同路人加入
由微小嘅事開始 由我哋自己香港人作出選擇
《
關於詳情》
三媽速遞即將逐步啟動，
除基本運費絕不加收任何隱藏附加費（偏遠地區除外）
為答
謝大家一直以來嘅支持，首月使用三媽速遞嘅客人將會收到 @Mamamamarket自家製小禮物一份～( 預計送到十一月～送完即止 )